Digwyddiadau
CymraegEnglish
Hyfforddiant i weithwyr proffesiynol gofal iechyd
Cyflwynaid i hyfforddiant Ymwybodol o Ofalwyr
Mae gweithwyr gofal iechyd proffesiynol wedi dweud wrthym nad ydynt bob tro’n hyderus am adnabod pwy sydd a phwy sydd ddim yn cael eu cynnwys yn y diffiniad o ofalydd di-dâl, pa fathau o ofal sy’n cael eu cynnwys yn y diffiniad, pa hawliau sydd gan ofalwyr, pa gymorth sydd ar gael a sut i ddod o hyd iddo.
Modiwlau Ymwybodol o Ofalwyr
Fel rhan o brosiect Ymwybodol o Ofalwyr, rydym wedi datblygu cyfres o fodiwlau hyfforddiant ac adnoddau ar-lein ar gyfer gweithwyr gofal iechyd proffesiynol, er mwyn paratoi nhw gyda'r sgiliau a'r wybodaeth i adnabod a chefnogi gofalwyr di-dal.
Cliciwch ar deitl pob modiwl i gael mynediad at ddeunyddiau hyfforddiant ac adnoddau.
Modiwl 1- Cyflwyniad i’r prosiect Ymwybodol o Ofalwyr
Mae’r modiwl hwn yn rhoi cyflwyniad i'r Prosiect Ymwybodol o Ofalwyr ac yn addas i unrhyw un sydd yn awyddus i wella eu dealltwriaeth o ofalwyr di-dâl.
Modiwl 2- Deall sut mae Adnabod Gofalwyr
Mae'r modiwl hwn yn canolbwyntio ar bwysigrwydd adnabod gofalwyr di-dâl.
Modiwl 3- Adnabod Gofalwyr ym maes Gofal Sylfaenol
Mae'r modiwl hwn yn rhoi gwybodaeth ar ddulliau adnabod gofalwyr ac mae wedi'i dargedu'n bennaf at bobl sy'n gweithio ym maes gofal sylfaenol neu unrhyw un sydd eisiau gweithio yn y sector.
Modiwl 4- Adnabod Gofalwyr ym maes Gofal Eilaidd
Mae'r modiwl hwn yn rhoi cipolwg ar adnabod gofalwyr ac mae wedi'i dargedu'n bennaf at bobl sy'n gweithio ym maes gofal eilaidd neu unrhyw un sydd eisiau gweithio yn y sector.
Modiwl 5- Gofalwyr di-dâl o gymunedau heb gynrychiolaeth ddigonol
Mae'r modiwl hwn yn canolbwyntio ar brofiadau a phrosesau adnabod gofalwyr di-dâl mewn cymunedau heb gynrychiolaeth ddigonol.
Modiwl hyfforddiant ar gyfer gweithwyr gofal iechyd proffesiynol cofrestredig
Mae’r dudalen hon yn cael ei ddatblygu.
Effaith hyfforddiant Ymwybodol o Ofalwyr
Mae hyfforddiant Ymwybodol o Ofalwyr yn cefnogi gweithwyr gofal iechyd proffesiynol I adnabod a chyfathrebu gyda gofalwyr, gan wella eu gwybodaeth a dealltwriaeth o hwaliau gofalwyr di-dal a’r rôl hanfodol maent yn chawarae mewn cefnogi’r GIG.
Er mwyn cysylltu gyda ni i drafod hyfforddiant Ymwybodol o Ofalwyr ar gyfer gweithwyr gofal iechyd proffesiynol, cysylltwch â wales@carers.org.
Neu cysylltwch â ni yn wales@carers.org os hoffech inni gynnal sesiwn rhad ac am ddim ar gyfer eich mudiad.
Hyfforddiant i weithwyr proffesiynol gofal cymdeithasol
Bydd yr hyfforddiant hwn yn cefnogi gweithwyr cymdeithasol i wella eu rhyngweithio â gofalwyr di-dâl i wella eu cydberthnasau. Mae gweithwyr cymdeithasol yn ffynhonnell gymorth hanfodol i ofalwyr di-dâl a'r bobl agored i niwed y maent yn gofalu amdanynt. Bydd mynychwyr yn dysgu am egwyddorion arfer da ac awgrymiadau ymarferol y gallant eu defnyddio yn eu gwaith i gynyddu'r tebygolrwydd o berthynas gefnogol, agored a chadarnhaol rhwng gweithwyr cymdeithasol a'r gofalwyr di-dâl y maent yn gweithio gyda nhw.
Bydd yr hyfforddiant hwn yn cyfrif tuag at Ddatblygiad Proffesiynol Parhaus Gweithwyr Cymdeithasol (DPP). Bydd bathodyn digidol achrededig yn cael ei ddarparu ar gyfer cofnodion ar ôl i chi gwblhau'r hyfforddiant hwn.
*Rydym bellach yn darparu bathodyn corfforol ochr yn ochr â'r bathodyn digidol. Mae'r holl sesiynau hyfforddi yn para 1.5 awr.
Adnoddau Ymddiriedolaeth Gofalwyr
Rydym wedi creu rhai animeiddiadau a thaflenni gwybodaeth sy’n esbonio hawliau gofalwyr a ble y gallwch gael mwy o wybodaeth am y gefnogaeth sydd ar gael i ofalwyr.