RHAN 5. Y Camau Nesaf a chymorth pellach

Amynedd, am ein bod yn rhoi sylw i broblemau dybryd sy’n cael effaith wirioneddol ar fywydau pobl, ac felly mae’n naturiol ein bod yn teimlo bod yn rhaid i ni wneud popeth ar unwaith; ond cadwch bethau’n syml, a chymerwch un cam ar y tro. Mae’n adeiladu’n gryfach ac yn y pendraw yn gyflymach. Y prif beth i’w gofio yw mai taith yw hon, a chysylltiadau a chydberthnasau yw’r egwyddor sy’n ei gyrru, ac mae’r cysylltiadau/cydberthnasau hyn yn tyfu ar gyflymder ymddiriedaeth.  Efallai eich bod yn treulio 10 munud gyda rhywun efallai na fyddwch chi’n ei weld eto am flwyddyn, neu mae eich prosiect cyd-gynhyrchu yn ymyriad ‘gorchwyl a gorffen’ byrdymor. Beth bynnag yw’ch sefyllfa, mae’n rhan o berthynas fwy hirdymor ac yn golygu datblygu ymddiriedaeth rhwng eich sefydliad a’i ddefnyddwyr gwasanaethau a’i ofalwyr di-dâl: mae’n adeiladu ar yr hyn ddaeth cyn hynny, a bydd yn creu’r amodau cywir ar gyfer yr hyn sydd i ddilyn.. 

Dysgu, oherwydd  nid oes unrhyw fwledi arian sy’n addas i bawb: yr unig ffordd yw dysgu trwy wneud. Mabwysiadu cylch o Gynllunio, Gwneud (profi), Gwirio (dysgu), Addasu … a phrofi a dysgu eto! Ceisiwch ddod â mwy o chwilfrydedd a bod yn llai amddiffynnol yn y broses gyfan. Mae yna gymaint i’w ennill, a dyna fwy o reswm eto i fynd ati yn y ffordd drawsnewidiol hon, a meddwl am dyfu (“Gallaf ddysgu hyn” yn hytrach na “Rwy’n gwneud hyn yn dda neu’n wael”).

Gobeithiwn y bydd y pecyn cymorth hwn yn eich helpu i gymryd camau ar hyd y llwybr cyd-gynhyrchu. 

Mwy o gymorth:

Gall Ymddiriedolaeth Gofalwyr Cymru helpu gyda materion sy’n ymwneud yn benodol â gofalwyr, gan ddarparu adnoddau pellach, cyngor a hyfforddiant rhad ac am ddim Ymwybodol o Ofalwyr: wales@carers.org

Fe’ch gwahoddir hefyd i ymuno â’r Rhwydwaith Dysgu Proffesiynol Ymwybodol o Ofalwyr: mae’n ofod cynhaliol sy’n agored i bob gweithiwr proffesiynol sy’n cefnogi gofalwyr di-dâl ac yn gweithio mewn lleoliadau iechyd a gofal cymdeithasol yng Nghymru (mewn sefydliadau iechyd statudol ac mewn rolau trydydd sector yn gysylltiedig ag iechyd, fel eiriolwyr gofalwyr ac arweinyddion gofalwyr), sydd eisiau rhannu, dysgu a datblygu eu harfer o ran cyd-gynhyrchu – waeth faint o brofiad neu wybodaeth sydd ganddynt am gyd-gynhyrchu. Yr hyn sy’n hanfodol yw’r awydd i wella’r cyfleoedd sydd ar gael i ofalwyr di-dâl i ddylunio a datblygu’r gwasanaethau sydd ar gael iddynt.

Cofrestrwch eich diddordeb drwy’r ffurflen hon, neu cysylltwch am sgwrs anffurfiol.

Digwyddiadau Ymwybodol o Ofalwyr a gynhelir cyn bo hir:
Os nad yw’r dudalen hon yn dangos unrhyw ddigwyddiadau arfaethedig, neu os ydych angen rhywbeth gwahanol i’r hyn a ddangosir, cofiwch gysylltu i roi gwybod inni beth fyddai’n ddefnyddiol ichi, Rydym yn trefnu digwyddiadau bob hyn a hyn ac rydym yn hapus i ymateb i geisiadau pryd bynnag y gallwn.

Er mwyn cysylltu â ni ebostiwch: wales@carers.org

Mae Rhwydwaith Cyd-gynhyrchu Cymru  yn bodoli er mwyn eich helpu ymhellach, ac mae ganddo offerynnau ac adnoddau rhad ac am ddim ar y sylfaen wybodaeth, ac yn bwysicach oll, cymuned o ymarferwyr o bob sector gwasanaethau cyhoeddus ledled Cymru, sy’n cefnogi ei gilydd ar hyd y daith barhaus hon o ddatblygu.
helo@copronet.cymru