RHAN 2. Enghreifftiau o gyd-gynhyrchu ar waith
CymraegEnglish
Lawrlwythwch Rhan 2 yn pdf
Rydyn ni wedi casglu astudiaethau achos ac enghreifftiau o gyd-gynhyrchu ar waith, at ei gilydd, ym maes iechyd a gofal cymdeithasol, er mwyn trosi’r fframweithiau damcaniaethol yn Rhan 1 i ddangos sut y mae pethau’n edrych yn ymarferol. Bwriedir i’r rhain gynnig rhywfaint o ysbrydoliaeth ac ymdeimlad o’r ystod eang o gyd-destunau lle mae cyd-gynhyrchu yn gallu gwneud gwahaniaeth ac ychwanegu gwerth. Mae rhai yn cynnwys gofalwyr yn uniongyrchol, ac eraill yn cyfrannu at greu’r amodau lle y gall pawb, yn gleifion a gofalwyr, gyfrannu. Cofiwch fod pob sefyllfa (gwasanaeth, tîm, defnyddwyr gwasanaethau a gofalwyr) yn wahanol ac y bydd eich cyd-gynhyrchu chi’n debyg ond yn unigryw!
- Cerdyn Gofalwyr Cymorth Dementia Sir Benfro
Mae gofalwyr yn cyd-gynhyrchu adnodd ar gyfer gofalwyr newydd yn seiliedig ar eu profiad o fywyd - Canolfan Canser Maggie’s, Abertawe
Mae claf a’u teulu yn gweithio gyda gweithwyr gofal iechyd i ddatblygu cefnogaeth i gleifion a’u teuluoedd - Taliadau Uniongyrchol Cyngor Gwynedd
Mae’r Cyngor yn gweithio gyda defnyddwyr gwasanaethau a gofalwyr i wneud eu gwasanaeth yn hyblyg ac yn un sy’n rhoi pobl yn gyntaf - Gwefan Fforwm Cleifion Rhwydwaith Canser Gogledd Cymru
Mae cleifion a theuluoedd yn datblygu adnodd gyda gweithwyr proffesiynol - Proses Sefydlu Staff Newydd Drive
Mae staff yn cyd-gynllunio cyfnod cynefino ar gyfer cydweithwyr newydd, er mwyn gwreiddio arfer cyd-gynhyrchu gyda’r bobl maen nhw’n eu cefnogi a’u gofalwyr - Darllen pellach: Casgliad o astudiaethau achos am gyd-gynhyrchu o faes iechyd a gofal cymdeithasol ar draws y Deyrnas Unedig (Nesta) [Cynnwys allanol ar gael yn Saesneg yn unig.]
I ddilyn ymlaen, efallai yr hoffech chi :
- Drafod yr hyn yr ydych wedi bod yn ei ddarllen gyda’ch tîm: pa astudiaeth achos oedd wedi sefyll allan i chi?
- Gwrando ar y penodau canlynol gan Rwydwaith Cyd-gynhyrchu Cymru o’n cyfres o bodlediadau:
- Straeon am gyd-gynhyrchu gyda Daniel Madge, Uwch-reolwr Datblygu Sefydliadol gyda Bwrdd Iechyd Prifysgol Aneurin Bevan (37’27”) [Cynnwys allanol ar gael yn Saesneg yn unig.]
- Cyd-gynhyrchu mewn iechyd a gofal cymdeithasol gyda Jenny O’Hara Jakeway, Prif Weithredwr Credu Cysylltu Gofalwyr, a Daniel Madge, Uwch-reolwr Datblygu Sefydliadol gyda Bwrdd Iechyd Prifysgol Aneurin Bevan (37’26”) [Cynnwys allanol ar gael yn Saesneg yn unig.]
- Gwylio (neu wrando ar) y sesiwn ar-lein hon gan Rwydwaith Cyd-gynhyrchu Cymru am “gyd-cynhyrchu gyda gofalwyr di-dâl” (1:32’32”) sy’n cynnwys cydweithwyr o Gyngor Kirklees, Cyngor Gwasanaethau Gwirfoddol Castell-nedd Port Talbot, Fforwm Rhieni sy’n Ofalwyr Abertawe, Hafal Crossroads a Chymdeithas Gwasanaethau Gwirfoddol Sir Benfro (PAVS). [Cynnwys allanol ar gael yn Saesneg yn unig.]
- Myfyrio ar eich maes gwasanaeth neu faes gwaith (yn unigol neu fel tîm), ac adnabod unrhyw gyfleodd lle byddai cyd-gynhyrchu gyda defnyddwyr gwasanaethau a gofalwyr yn ddefnyddiol.
