Rhaglen Cronfa Cymorth Gofalwyr

CymraegEnglish

Rhaglen Cronfa Cymorth Gofalwyr

Mae gofalwyr di-dâl yn aml yn wynebu anfanteision sylweddol sy'n effeithio ar eu sefyllfa ariannol, eu hiechyd a'u lles cymdeithasol, o gyfleoedd cyflogaeth cyfyngedig i ynysu cymdeithasol. Gall gofalwyr ifanc fod dan anfantais addysgol, ac efallai y bydd yn rhaid i ofalwyr sy'n oedolion wneud aberthau gyrfa sylweddol ac wynebu bylchau pensiwn.

Mae’r Cronfa Cymorth Gofalwyr, a gefnogir gan Lywodraeth Cymru, yn ceisio darparu gwasanaethau hanfodol a grantiau i gefnogi gofalwyr di-dâl sy’n wynebu caledi ariannol, yn enwedig felly wrth i gostau byw godi.

Ers ei sefydlu yn 2022, mae’r gronfa wedi darparu gwerth dros £4 miliwn o grantiau, sydd wedi bod o fudd i fudiadau lleol ac sydd wedi cefnogi dros 29,000 o ofalwyr di-dâl ledled Cymru. Mae’r grantiau hyn yn cynnig cymorth allweddol i unigolion sy’n gofalu am geraint i helpu ysgafnhau pwysau ariannol.

Cronfa Cymorth Gofalwyr 2022-25: Effaith

Sut mae’r gronfa’n cefnogi gofalwyr di-dâl

Grantiau uniongyrchol

Mae’r Cronfa Cymorth Gofalwyr yn darparu grantiau uniongyrchol i ofalwyr di-dâl trwy fudiadau lleol, gan helpu lleihau pwysau ariannol a gwella ansawdd eu bywydau. Rhoddir y grantiau hyn ar gyfer eitemau a gwasanaethau hanfodol, gan gynnwys:

  • Nwyddau gwyn/nwyddau i’r cartref: Cymorth i brynu peiriannau a hanfodion cartref.
  • Talebau bwyd ac archfarchnadoedd: Cymorth gyda phrynu bwyd a hanfodion bob dydd.
  • Offer TG: Arian ar gyfer Wi-Fi, gliniaduron, tabledi, a ffonau symudol i helpu gofalwyr i gadw cysylltiad a chael gafael ar adnoddau.
  • Cyfleoedd addysgol: Grantiau ar gyfer cyrsiau a gweithgareddau sy’n hyrwyddo datblygiad personol a dysgu.
  • Costau tanwydd/ynni: Help wrth i gostau tanwydd ac ynni godi er mwyn lleddfu’r baich ariannol.
  • Dillad cynnes: Cymorth gyda phrynu dillad ar gyfer tywydd oerach.
  • Gwisgoedd Ysgol: Cymorth i ofalwyr sydd angen gwisgoedd arbennig ar gyfer eu gwaith, addysg, neu hyfforddiant.
  • Atgyweiriadau i’r cartref: Arian i roi sylw i waith cynnal a chadw ac atgyweirio hanfodol yn y cartref.
  • Costau trafnidiaeth: Cymorth gyda chostau teithio, sicrhau bod gofalwyr yn gallu cyflawni eu dyletswyddau a chael mynediad at wasanaethau
  • Offer arbed ynni: Grantiau ar gyfer pethau fel ffriwyr aer, blancedi trydan, ffyrnau araf, ac amseryddion cawodydd i helpu defnyddio llai o ynni a chael biliau is.

Gwasanaethau ychwanegol

Mae’r Cronfa Cymorth Gofalwyr yn cynnig nifer o wasanaethau i ofalwyr di-dâl trwy fudiadau lleol, er mwyn mynd i’r afael â chaledi ariannol a gwella llesiant yn gyffredinol. Mae’r gwasanaethau’n amrywio yn ôl yr angen lleol, ond gallant gynnwys:

  • Cymorth uniongyrchol gydag arian ac incwm: Cynnig arweiniad i helpu mynd i’r afael â heriau ariannol.
  • Gweithdai llythrennedd ariannol a rheoli arian: Trafod materion fel cyllidebu, arbed ynni, rheoli dyledion, ymwybyddiaeth gamblo a chael gafael ar ostyngiadau.
  • Treth y Cyngor: Cymorth i reoli a lleddfu pwysau treth y cyngor.
  • Gweithdai sgiliau gofalu a sgiliau bywyd: Helpu gofalwyr i ddatblygu sgiliau ymarferol fel ysgrifennu CV, coginio, a thrwsio dillad, sy’n gallu eu gwneud yn  fwy annibynnol a gwella ansawdd eu bywydau.
  • Cymorth gyda dyledion a rheoli arian: Darparu gwasanaeth cyfeirio a chefnogi i helpu gofalwyr i reoli dyledion a chynllunio ar gyfer dyfodol ariannol cadarn.
  • Cyfeirio pobl at fudiadau cefnogaeth ariannol: Cysylltu gofalwyr ag adnoddau hollbwysig fel banciau bwyd, mentrau garddio cymunedol, a chyngor ar fudd--daliadau lles.
  • Gwasanaethau eiriolaeth: Gofalu fod gan ofalwyr lais yn cael gafael ar y gwasanaethau maen nhw eu hangen ac ymgyrchu am eu hawliau.
  • Darparu adnoddau ymwybyddiaeth ariannol: Darparu cynnwys addysgiadol i wella ymwybyddiaeth ariannol gofalwyr di-dâl a’u helpu i wneud gwell penderfyniadau.

Mae’r gwasanaethau hyn yn ceisio lleddfu pwysau ariannol, grymuso gofalwyr trwy sgiliau bywyd, a chynnig cefnogaeth, a gwella eu gallu i barhau â’u rolau gofal.

Isod mae gwybodaeth am y sefydliadau a ariennir i gefnogi gofalwyr fel rhan o’r rhaglen hon. Dylid ceisiadau gan unigolion sy’n ofalwyr di-dâl fynd yn uniongyrchol at y darparwr lleol.

Am ymholiadau ynchylch y Cronfa Cymorth Gofalwyr, cysylltwch â wales@carers.org.

Ardaloedd Awdurdodau Lleol

Gweler isod am fanylion y sefydliadau cymorth sydd ar gael i ofalwyr yn eu hardal:

Darparwyr Cronfa Cefnogi Gofalwyr

Gweler isod am fanylion cryno o'r hyn y mae pob darparwr yn ei ddarparu ar gyfer gofalwyr yn eu hardal: