Cynllun Seibiannau Byr 

Am yr Cynllun Seibiannau Byr

Cynllun Seibiannau Byr, yw’r gronfa grant ar gyfer sefydliadau trydydd sector sy’n darparu seibiannau byr personol, hyblyg a chreadigol i ofalwyr di-dâl yng Nghymru. 

Mae ystod o opsiynau seibiant i gwrdd â chymunedau amrywiol Cymru wedi'u hariannu drwy'r rhaglen hon. Nod y rhain yw gwella gwydnwch a llesiant gofalwyr a chefnogi cynaliadwyedd perthynas ofalu’r gofalydd.

Newyddion Cynllun Seibiannau Byr

Cyfle i gael Cyllid: Cynllun Seibiannau Byr 2026–29

Yn dilyn y cyhoeddiad y bydd cyllid Llywodraeth Cymru ar gyfer y Cynllun Seibiannau Byr yn parhau, mae Ymddiriedolaeth Gofalwyr Cymru yn gwahodd Datganiadau o Ddiddordeb gan sefydliadau’r Trydydd Sector yng Nghymru er mwyn ymgeisio am gyllid i weithredu prosiectau’r Cynllun Seibiannau Byr rhwng Hydref 2026 a Mawrth 2029.

Dyddiad Cau: 10am dydd Llun 2 Chwefror 2026

Dysgwch fwy ar wefan y Cynllun Seibiannau Byr

Cael mynediad at seibiant byr 

Gall gofalwyr di-dâl fynd ar wefan y Cynllun Seibiant Byr i ddod o hyd i gyfleoedd seibiant byr yn eu hardal. I wneud cais am seibiant byr a ariennir gan Amser, dylai gofalwyr di-dâl gysylltu â'u darparydd lleol yn uniongyrchol. 
 
Mae manylion llawn ar gael ar ein gwefan bwrpasol.

Gwerthusiad y Cynllun Seibiannau Byr

Mae'r Cynllun wedi'i werthuso'n annibynnol gan Brifysgol Bangor. Dangosa'r gwerthusiad effaith a chyrhaeddiad y Cynllun. Rhagor yma.