Dylanwadu strategol

Mae Ymddiriedolaeth Gofalwyr Cymru yn gweithio’n rhagweithiol i ddylanwadu ar bolisi, deddfwriaeth a phrosesau comisiynu er lles gofalwyr a’n Partneriaid Rhwydwaith.

Ymhlith y prif feysydd gweithgarwch mae:

Gweithio gyda Aelodau'r Senedd

Mae'r Ymddiriedolaeth Gofalwyr yn gweithio'n adeiladol gyda holl Aelodau'r Senedd er mwyn sicrhau bod cefnogaeth i ofalwyr yn uchel ar agenda pob plaid gwleidyddol.

Rydyn ni'n croesawu Ymchwiliad cyfredol y Pwyllgor Iechyd a Gofal Cymdeithasol i fynediad at gymorth i ofalwyr di-dal. Darllenwch ein tytiolaeth ysgrifenedig yma. 

Grŵp Cynghori’r Gweinidog ar gyfer Gofalwyr

Bu Ymddiriedolaeth Gofalwyr Cymru yn aelod allweddol o Grŵp Cynghori’r Gweinidog ar gyfer Gofalwyr ers ei sefydlu yn 2018.

Mae’r grŵp hwn yn darparu cyngor uniongyrchol i’r Gweinidog Plant a Gofal Cymdeithasol ac mae wedi'i gadeirio gan Gyfarwyddwr Cymru yr Ymddiriedolaeth Gofalwyr, Kate Cubbage. 

Senedd Ieuenctid

Bu'r Ymddiriedolaeth Gofalwyr Cymru yn sefydliad partner Senedd Ieuenctid Cymru ers 2018. Mae hyn wedi galluogi ein Cyngor Ieuenctid Cenedlaethol i ethol Aelodau Senedd Ieuenctid i’w cynrychioli ar y Senedd Ieuenctid.

Rydym yn cefnogi Ffion Haf Scott ASIC yn ei rolau seneddol. Gall unrhyw ofalwr ifanc sy’n awyddus i rannu eu barn gyda’u cynrychiolwr yn y Senedd Ieuenctid wneud hynny trwy ebostio wales@carers.org.